Utandørs møtestad under tak

Ungdomsrådet i Ulstein ynskjer seg ein uformell møtestad utandørs, med sittemulegheiter, overbygg (tak), søppelbøtter og straumuttak (til mobilar og laptopar). Ungdom treng ein plass å møtast, utan forpliktingar til å kjøpe noko. I dag møtes ungdom på kjøpesentera, på venterommet til skysstasjonen, i hotellobbyen og kioskar. Vi ser eit behov for noko meir uformelt, som kan vere ungdommen sin plass, i tillegg til Bell Ungdomsklubb, uavhengig av opningstid. Grunnen til at vi ynskjer overbygg, er at plassen skal kunne brukast i all slags ver. Det bør også vere tilgong til offentlig toalett. Området kan gjerne vere plassert i tilknytning til plassane som allereie er planlagt for parkar og grøne lunger i sentrum.