Underskriftsaksjonen tunnel frå Kvåle til Kløvhola

Underskriftsaksjon for å få rådgjevande folkerøysting over kva alternativ som skal nyttast i høve den såkalla Sogndalspakken. Innbyggjarane i Sogndal må kunne røyste over alternativet «miljølok», og tunnel Kvåle – Kløvhola. Eit «miljølok» der Gravensteinsgata vert senka ned vil koste over 350 mill. kr. I tillegg må innbyggjarane i Sogndal betale bompengar for å komme inn i sentrum. Bompengar vil verte svært dyrt for folk som arbeider i sentrum, og for alle andre som skal på handel, eller har andre ærend. Med tunnel frå Kvåle til Kløvhola vert trafikken lagt utanfor sentrum. Tunnelen vil byrje rett ovanfor fotballbana på Kvåle og komme ut ved Kløvhola, ikkje langt frå Loftesnesbrui. Med >300 underskrifter må kommunestyret ta stilling til det. Denne lista bør vere klar i løpet av november månad. Kommunar kan organisere folkerøystingar som dei vil. Det er difor mulig å halde folkerøystinga på Internett med elektronisk skjema som Sogndal kommune nyttar i dag, i tillegg til oppmøte på kommunehuset. Det står i kommunelova § 39 b, sjå Ot.prp. nr. 32 (2008-2009) s. 45 – pkt. 4.6.4. * * * Underskriftslista vart opphavleg lagt ut på kommunehuset i Sogndal, og det vart avtala at denne skulle ligge til 30. november. Seinare har eg fått ei rekkje meldingar på Facebook om at dei i skranken ikkje kjenner til noko liste. I dag 19. november køyrde eg inn på kommunehuset og etterspurde den. Då var det rådmannen, Jostein Aanestad som hadde unnadrege underskriftslista, med det føremål at innbyggjarane ikkje skal kunne skrive under.