La syklistar sykle på raudt i enkelte kryss

Det er to hovugrunnar til at folk lar sykkelen stå når dei skal bevege seg rundt i Oslo. 1) Det er for farleg å sykle i trafikken. 2) Det tek for lang tid. Oslo kommune har som ambisjon å få fleire til å sykle ved å gjere byen meir sykkelvenleg. Det er då naturleg at politikarane ser til andre byer for inspirasjon. I fleire europeiske byar er det tillate for syklistar å sykle på raude lys i enkelte kryss. Syklistar får lov til å sykle til høgre i lyskryss og rett fram i t-kryss. Etter ein suksessfull prøveperiode innførte Paris nyleg ei lov som gav syklistar rett til nettopp dette. Prøveperioden synte at det å la syklistar bevege seg friare reduserte sjansen for ulykker. Ein unngår farlege situasjoner ved at syklistar og bilistar samlar seg opp i krysset. Danmark hadde ein prøveperiode i to år mellom 2013 og 2015 i 33 kryss som gav samme resultat. Det vart ikkje registrert ein oppgang i ulykker i desse kryssa. I Nederland har dette vore praksis i lengre tid. Ved å innføre ei prøveordning også i Oslo, kan politikarane få til eit godt sykkeltiltak som er både billig og lett å gjennomføre. Dette vil nok ikkje aleine få alle av Oslos innbyggjarar på sykkelsetet, men to ting er sikkert: Det blir tryggare å sykle i trafikken og det blir meir effektivt.