Forbetring av Fv 401 og 355

Denne saka handlar om grenda mi, og ikkje minst bygda mi, og mi bekymring for korleis framtida blir her om noko drastisk innan infrastrukturen ikkje finn stad omløpande! Fyresdal som kommunen vår heiter, kan kanskje virke som ein ukjend stad for mange av dykk i fylkeskommunen. Det er ein stad med integritet og gamle tradisjonar! Flinke folk med bein i nasen som ikkje gir opp så lett, og det er vell også årsaken til at her framleis bur folk! I fleire generasjonar var det ei drivande stad innan jordbruk og skogbruk, men det høyrer nå heime i fordumstid, og i desse meire moderne tider er det industri og turisme som rår. Kommunen er stor i areal, og i alt er det omlag 1300 bebuerar foldelt på 1 280km2. I gamle dage fanns det ikkje noko spesielt sentrum, gardane låg spreidd rundt om i forskjellige grender og fjell. På 1940 tallet var me så heldige der som eg bur, i Birtedalen å få bilveg. Det var ein sensasjon, og det tok ikkje lang tid før det blei både fabrikk og rutebil hit. Og var det noko me hadde, så var det fin natur! Turistane byrja komme til gardane, og etterkvert kom også hyttene. Her i Birtedalen har me straks passera 700 hytter For å forklare mi personlige situasjon kan eg fortele at eg er yngste utskuddet av familien Kvipt (23 år), fødd og oppvaksen på garden Kvipt i Birtedalen. Eg har teke over denne turistattraksjonen som forfedrane mine he bygd opp gjennom over 600 dokumentera år. Mine foreldre jobba begge som lærarar då eg blei fødd, men begynte å satse på turisme etterkvart, noko som førte til at læraryrket ikkje blei nødvendig lenger. Dei investerte alt dei eigde, pussa opp gamle bygningane frå middelalderen og satte opp nye overnattingslokale, så nå har me kapasitet til 40 overnattingsgjester og selskap opp til 50 personar. Eg utdanna meg som lærar slik at eg kunne jobbe i Fyresdal utanom turistsessongane. Men slik som vegen er nå nyttar det ikkje køyre den dagleg. Derfor satsar eg på andre ressursar eg kan utnytte på garden. Dessverre er eg redd for vegstandaren til slutt vil kvele turistnæringa og på sikt.. Så over til sakens kjerne, nemleg fylkesveg 401 og 355! Eg for min del bur heilt i enden av 401, og kan ikkje preke for dei som bur langs etter Fyresdal-Tjønnefoss, men eg veit dei er i heilt identisk situasjon, og dykk kan bare spøre rådmannen vår. Desse vegane som er over tre gonger så gamle som meg har fått elendig oppfølgjing av vedlikehald, og er nå ikkje brukbare lenger! For min del som næringsaktør i Telemark syns eg dette ikkje er akseptabelt for eit fylke å la både fastbuande, hyttefolk og turistar ferdast på med livet som innsats! Ein ting er at vegen er bulldosera fram og sprengt fram på 1940 tallet, men sjølv nå med dagens maskiner, ressursar av arbeiderar, ressursar av pengar samt reidskap burde ikkje det vere noko problem for eit land som Norge å oppretthalde vegane i brukleg forfatning.. Ein skulle nesten tru det var ein spøk, men når Mesta kjem og reparerar vegane her, kjem dei mæ ein liten pickup og spade som dei skuflar asfalt i holene med. Veidekket som er her er ikkje asfalt ei gong, men eit prøveeksperiment frå 60 tallet som er ei spesiell legering som er spreidd ut på eit 0.5 til 1cm tjukt.. Ringverknadane er større enn dykk trur pga desse dårlege vegane. Folk flyttar vekk, ja til helvette, hadde ikkje familien min streva og sliti for Kvipt hadde eg heller aldri budd her oppe! Medan eg budde her før vidaregåande skule(15 år), opplevde eg totalt 4 familiar som flytta frå grenda hovudsakleg pga vegen var så dårlig å pendle til jobben deira i Fyresdal.. Inntektene til handelstandene i kommunen minkar då hyttefolk som kjem i helgene køyrer heller til butikken i Gjøvdal (Aust-Agder) sidan vegen til Fyresdal er slik som den er. Dykk rynkar sikkert på nasen og tenker at desse fillevegane ikkje er noko å prioritere, men 700 hytter blir til veldig mange folk! Og for å ikkje tenke på alle turistane som kjem, men som ikkje vil køyre om Fyresdal. Eg må bare sette ned foten som fastbuande i Fyresdal og sei at nok er nok, i alle år som eg har levd har desse vegane vore elendig, og at det ikkje endå er gjort noko fattar eg ikkje! Eg mistar så mykje respekt for politikerane i fylket og det er eg ikkje aleine om, noko som er trist! For me unge er drit lei all den praten og null handlig! Me krev at det må bli gjort noko fort!! Eg kan med hånda på hjartet sei at ALLE i Fyresdal meiner det er på tide med handling! År etter år ser me i aviser og media at Grenland sit på den grønne grein og bygger ut både bypakke og E18, medan ingenting skjer i distrikta. Det er forkastelig syntes eg! Telemark hadde ikkje vore Telemark utan felespil og gamle stabbur! Vakn opp og gjer noko før det er for seint!! Straks blir det hverken fastbuande eller turistar igjen!