Nei til næringsområde i Markane, kommunedelplan Langeset-Storesunde

Plan- og Næringsavdelinga i Stryn Kommune brukar Langesethøgda for å beskrive område for nye næringsareal. Langesethøgda ligg ved Stryn Mek. Verkstad, der står ei steintavle 245 m.o.h. Det vert feil å skrive Langesethøgda om område som ligg søraust for Langesetvatnet og på nordsida av Langesetvatnet opp mot Svingesetvatnet. Likeeins feil å nytte begrepet Langesethøgda om område i svarstadmarka, aust for Stryn Pukk. Vi meinar kommunestyret må reise på synfaring for å gjere seg kjend med områda det er snakk om her.   På plankartet ser vi framleis at næringsareala er plassert bit for bit rundt heile Langeset, der det ikkje er teke hensyn til at her faktisk er fastbuande. Store område på nordsida av Langesetvatnet (N101), her er det bratt oppover mot Svingesetvatnet. Det må spengast og gravast og vil verte økonomisk kostbart å opparbeide næringsområde her. Støy frå spenging vil høyrast over store område i heile Markane. Område N102 søraust ved Langesetvatnet, her er hekkeplass for trane, her er myrområde, her er føreteke arekeologiske utgravingar (år 2011) og funne freda kolmine. Dette ligg ikkje langt frå Den Trondhjemske postveg. Vidare er det planlagt store område rett aust for Langeset (N103). Her er myrområder og det kjem til å kome nært inn til bustadhus og Den Trondhjemske Postveg.  Både Langesetvatnet og Svingesetvatnet er delar av verna vassdrag. Skogområdet har eit rikt dyre- og fugleliv. Myr er  landjorda som lagrar mest karbon. For å synleggjere kor stor innverknad næringsutbygging i myrområde vil få på klimaeffekten må det reknast på karbonmengde, og synleggjere dette i kommuneplanen.  Trane: Uttale frå fylkesmannen om tranene i Markane. ”Etter det vi kjenner til, er trane knapt registrert som hekkande i Rogaland og Hordaland (utanom Hardangervidda), mens arten i Sogn og Fjordane er funne hekkande fem stadar (inkludert Markane). Der er likevel berre i Markane at det er snakk om meir enn eitt par, og tranane i Markane ser dermed ut til å utgjere meir enn halve hekkebestanden i Sogn og Fjordane, og ein vesentleg del av hekkebestanden på Vestlandet under eitt.”  Støy: Vi er ikkje kjende med at det føreligg støysonekart/tal i dette område. Her er mykje støy frå RV15 gjennom Markane, her er helikopterplass og motorsportbane på Langeset. I tillegg mykje støy frå eksisterande SMNP. Til orientering høyrest graving og sprenging frå blant anna Skarsmyra, trafikk, motorsportbane langt ut i skogsområde på sørsida av Langeset.  Uttdrag frå Retningslinja T-1442: ” 2.1 Støy som tema i kommuneplanen  Konsekvensutredning av overordnede planer  I overordnet plan er det viktig å vurdere om det legges til rette for ny støyende virksomhet som kan få betydning for eksisterende situasjon, samt å vurdere om ny planlagt utbygging av boligområder er i tråd med støygrensene og anbefalingene i denne retningslinjen.  Gjennom arbeidet med planprogrammet skal det vurderes om støy skal utredes, hvorfor det eventuelt er et viktig tema, og omfang og innhold i utredningen. Kommunen bør i planprogrammet gjøre en vurdering av om det ved utarbeidelse av kommuneplan/kommunedelplan skal utarbeides støysonekart dersom dette ikke finnes, og om og eventuelt hvordan støysonekartet skal implementeres i kommuneplanens arealdel.”  ”2.3 Rekreasjonsområder og stille områder  Kommunen bør unngå å lokalisere nye støykilder slik at verdifulle rekreasjonsområder og stille områder forsvinner eller reduseres i omfang. Fravær av støy er en forutsetning for at frilufts- og rekreasjonsområder og kulturmiljøer skal ha full verdi. Hvilke lydnivåer som oppleves som sjenerende, avhenger av hvilken type område man befinner seg i, og hvilken bruk av området som er ønskelig. ”   I tettstedsbebyggelse defineres stille område som et avgrenset område (park, skog, kirkegårder og lignende), egnet til rekreasjonsaktivitet, hvor støynivået er under Lden 50 dB. Utenfor tettstedsbebyggelse som områder hvor støynivået er under Lden 40 dB” Her gjer Stryn Kommune stikk motsett, og planlegg nye næringsområde i verdifulle naturområde. I kommuneplanen Langeset-Storesunde står der følgjande på side 88: ” Det skal utøvast ein streng dispensasjonspraksis i Langeset-området, ved at det ikkje blir lagt til rette for bustader eller fritidsbustader i nærheita av eksisterande og planlagde næringsområde.”  
 Korleis skal Stryn Kommune ta vare på fastbuande og dei som har hytte i området her? Denne restriksjonen vil også få konsekvensar for grunneigarar på Skogtun, Dybevold, Svingeset, Svarstad og Faleide.  Innbyggjarane har tilknyting til bygdene, og det hadde vore ei mykje meir framtidsretta, positiv utvikling å leggje til rette for nye bustadområde og hytter også utanfor Stryn Sentrum, i staden for den overbelastninga med næringsareal som de legg opp til bl.a på Langeset.  De skriv sjølve at bustadar og næringsareal ikkje er forenleg med kvarandre. Likevel legg det næringsområde på fem forskjellege grunneigedomar rundt heile Langeset.  Alle innbyggjarar skal behandlast likt for lova, noko vi føler ikkje er gjort her. Det er ikkje ei bærekraftig utvikling å overbelaste område frå Vikaleirane til Langeset med næringsareal. Vi meinar denne planen ikkje ivaretek innbyggjarane sine liv og interesser, folkehelse, naturmangfaldet, kulturminne, jakt- og friluftsliv og at det ikkje er teke nok omsyn til luftforureing som støy, lukt, støv og konsekvensane dette vil få for miljø og samfunn. Folkehelse: Folkehelselova er vel klar og kommunen har eit ansvar her.  Trivsel og god helse heng saman. Industriområde på alle kantar skapar ingen trivsel. Dette er teke opp i fleire av innspela frå Markane etter 1.runde med innspel. Når det gjeld miljømessige forhold har støy, lukt og støv svært negativ innverknad på folkehelsa.  Det som hadde vore positivt for folkehelsa, friluftsliv og trafikktryging var å etablere ein universelt utforma gangveg langs fjorden, frå Faleide til Stryn Sentrum. Vi ønskjer at dei planlagde næringsområde på Langeset (N101, N102, N103) skal ut av planen.  I forhold til E39-traseèn og framtidige kommunegrenser, meinar vi det uansett er for tidleg å ta standpunkt til nye næringsområde i Markane og dette må settast ut.