Respekter resultatet etter folkerøystinga i Jølster

I sommar vart det teke initiativ til ein underskriftsaksjon der målet er ei ny folkerøysting om kommunesamanslåing. Dette har skapt ny uro i ein kommune som allereie strir med "dårleg naboskap", og vi trur ein omkamp vil vere skadeleg for Jølster uansett resultat. Valdeltakinga ved folkerøystinga var høgre enn ved vanlege kommuneval, noko som syner at jølstringane var opptekne av denne saka, og det vart fleirtal for kommunesamanslåing. Når initiativtakarane overleverer listene til Jølster kommune vert det opp til kommunestyret å avgjere om det blir ny folkerøysting. Vi som signerer dette oppropet tek ikkje standpunkt til å vere for eller imot kommunereform, men vi ønskjer å oppmode kommunestyret til å arbeide vidare med samanslåingsprosessen, og bruke initiativ og krefter på å skape ein ny og god kommune for alle i Jølster, i samarbeid med Gaular, Førde og Naustdal. Oppropet kan signerast av alle innbyggarane i Jølster kommune, også dei under 18 år. (Dette oppropet er initiert av Aina Gamborg - Reidar Svalheim - Tordis Hegrenes)