Nedlegginga av to barnehagar på Vie må fjernast frå kommunen si tiltaksliste. Følgande grunngjeving leggast til grunn: - Nedlegginga baserer seg på faktafeil i kommunen sitt kunnskapsgrunnlag. Faktiske tal for dei kommunale barnehagane på Vie viser at det ikkje vil vere plass til alle borna i desse barnehagane etter nedlegginga av to barnehagar på Vie. - Fleire av barnehagane på Vie, til dømes Hatlehaugen, er billigast i kommunen. Ein kan ikkje leggje ned billege barnehagar når intensjonen er å spare pengar. - Barnehagane på Vie ligg strategisk plassert. Dei ligg i populære bustadområde for småbarnsfamiliar og nær dei største arbeidsplassane i Førde, i tråd med visjonen om ein «saumlaus kvardag». - Nedleggingane vil føre til auka trafikk på ein allereie svært belasta vegstruktur. - Nedleggingane vil føre til dårlegare overgang mellom barnehage og skule. - Barnehagane på Vie er viktige for rekruttering av framtidig helsepersonell, og ei nedlegging vil kunne føre til mindre folkevekst og utvikling. - Nedlegging av barnehagar på Vie vil kunne medføre auka kostnadar til private barnehagar i området, for å dekke foreldrepopulasjonen sitt behov for barnehagar nært der folk bur og jobbar. - Barnehagane på Vie er veldrivne, godt likt av foreldre og tilsette, og har god pedagogdeknad, dette må kommunen ivareta når vi veit at resten av landet strevar med ei trippelkrise i barnehagesektoren (sjukefråverskrise, rekrutteringskrise og bemanningskrise). Vi reagerer på at barnas beste ikkje er tatt omsyn til i nedleggingsprosessen, i strid med Grunnloven §104, annet ledd, og FN sin barnekonvensjon. Resultatet av denne prosessen er at gode barnehagar leggast ned, med betydelige økonomiske, pedagogiske og sikkerheitsmessige konsekvensar for kommunen og innbyggarar. Takk for di stemme. Med venleg helsing SU Hatlehaugen