Det blir vist til Bjørnafjorden sin «Handlingsplan for førebygging av sjølvmord». Denne går ut i 2025, og vi forventar at planen er/blir evaluert og revidert for èin ny periode. Eitt av tiltaka i planen er særskilt retta mot skuletilsette. Under delmål 2 «Trygg kommunikasjon om sjølvmord» er skuleprogrammet « Livet på timeplanen» nemnt: «Oppvekst vurderer å starte med pilot i første omgang for videre evaluering og drøfting, der èin vil vurdere oppstart av pilot i 2023, evt. utviding etter evaluering «. Skuleprogrammet er ikkje starta opp i planperioden. Programmet har som mål at skuletilsette skal bli i endå betre stand til å møte og følgje opp unge som opplever livet vanskelig og som treng støtte. Programmet gir opplæring i ovannemnde tema til alle skuletilsette, noko som i seg sjølv kan bidra til at livsproblem blir møtt og løyst tidligare. I tillegg får utvalde ressursar på skulen utvida opplæring i problematikken. Slik står skulen betre rusta i arbeidet for å ta tak i elevane sine utfordringar. På bakgrunn av dette blir følgjande forslag til tiltak fremma som tiltak revidert handlingsplan : Bjørnafjorden innfører skuleprogrammet «Livet på timeplanen» snarast mulig.