Transport av løsmasser fra Ulrikstunnelen

Hei, underteikana registrerer at det vert vurdert å transportere store mengder lausmassar med trailer frå Øyrane til Garnes kai. Dette ser me på med sterk uro, og vil på det sterkaste fråråde dette. Tungtransporten kjem, slik me forstår det, til å gå tvers gjennom eit område med stor barnetettleik, skular, barnehagar og idrettsaktivitetar, for å nemne noko. Det er frå før sterkt nedsette fartsgrenser (30 km/t) og fartsdumpar i vegen grunna mykje barneferdsel. I tillegg er her svært mangelfullt utbygd sykkel/gangvegtilbod. Me vonar at dette skrivet vert teke med i dei vidare vurderingane i saka.